ازيكم ياحبايبى يارب تكونوا بخير وكل الامة الاسلامية يارب
اليوم انا جايبالكم طريقة عمل البامية البرانى او البامية الحمرا او البامية بالدمعة زى ماتحبوا تسموها
المقادير:
طماطم
ثوم
كسبرة ناشفة او خضراء (اختيارى)
زبدة او سمن او زيت زى ما تحبى
بامية صغيرة الحجم
ملح وفلفل
مرق دجاج او لحمة
لقد وضعت ملعقة كبيرة زبدة وحمرت بها الثوم ورشيت شوية كسبرة ناشفة مطحونة لو حتحوطى كسبرة خضرا يبقى تحطيها لما تخلص البامية خالص تقطعيها وتحطيها على الوش وتقلبى
ودا شكل الثوم لما اتحمر
حوالى فص ثوم كبير او فصين صغار
وبعد تحمير الثوم نضع عصير الطماطم
حوالى 5 طماطم كبار وممكن اقل براحتك واعصرى مع الطماطم عدد واحدة فلفة رومى خضرا بتديها طعم جنان
نتركها لكى تتسبك
ودا شكلها لما اتسبكت
وبعدين نضع البامية تقريبا اكثر من نصف كيلو
او الكيس المجمد الذى يباع فى المحلات
وانا افضل وضعها وهى مجمدة لانها بذلك تصبح اطرى وتستوى اسرع
نتركها قليلا حتى تتشرب بالطماطم
لكن احذرى لاتدعيها تجف او تحترق
بعدها يصبح شكلها هكذا
بعدها نزودها بالمرقة سواء دجاج او لحمة براحتك
ونضع الملح والفلفل
وعندما تتشرب المرق تدوسى عليها اذا وجدتيها مهرية وطرية جدا ادخليها الفرن
ودا شكلها قبل ماتدخل الفرن
اشعلى الفرن من اسفل اولا وبعد فترة اذا وجدتيها اتسبكت اطفئى الفرن السفلى واشعلى الشواية من اعلى وعندما يحمر وجهها اخرجيها
